AGROFOS-D


Сўрувчи ва кемирувчи зараркунандаларга қарши самарали инсектоакарицид!

Description

Вақт синовидан ўтган восита!

Таъсир этувчи моддаси: циперметрин 50 г/л + хлорпирифос 500 г/л

Препарат шакли: эмульcия концентрати

Хавфлилик даражаси: II-синфга оид (ўртача хавфли бирикма)

Сиғими:   1 литр

Қўлланиши:

Юқори самарали, кенг таъсир доирасига эга бўлган инсектоакарицид.   Шира, трипсга,цикада, кўсак қурти, илдиз қурти, зарарли хасва, шиллиққурт, олма қурти, баргўрар қуртлар, ўргимчаккана, ғовакловчи пашша, намат канаси, куялар, тут парвонаси, фитономус ва бошқа бир қатор зараркунандаларга қарши юқори самаралидир.

 Афзалликлари:

  • Узоқ муддат ўз таъсир кучини сақлаб туради, бу эса ўз навбатида қарши кураш, яъни пуркаш сонини қисқартиради
  • Таъсир қилиш кўлами кенг, яъни кўп турдаги зараркунандаларга қарши яхши самара беради
  • Зараркунандаларнинг барча ривожланиш босқичларида қўлланилади
  • Ёпиқ ҳолда яширин яшовчи зараркунандалар (ғовакловчи пашша, ғовакловчи куялар) ни ҳам йўқ қилади
  • Фумигантлик хусусияти ҳам мавжудлиги, уни буғ ҳолатида ҳам таъсир этишини таъминлайди
  • Ҳаво ҳарорати юқори бўлганда ҳам, самарадорлигини йўқотмайди

 Қўллаш муддати:

Препарат экинларнинг фаол ўсув даврида, зараркунандалар ривожланишининг бошланғич даврида 5 фоизгача зарарланиш аниқланганда  қўлланилса,  юқори самара беради.

Препаратни экин турларига қараб 2 марта 10-12 кун оралатиб қўллаш мумкин.

Таъсир этиш механизми:

Дастлаб зараркунандага текканда инсектицидлик самарасини беради. Шунингдек, буғ ҳолатида ичдан таъсир этганда ҳам шундай ҳолат кузатилади. Узоқ вақт давом этадиган кейинги таъсири фақат организмга ичдан таъсир этганда кузатилади. Етук зараркунандалар ва уларнинг личинкаларига барча ривожланиш босқичларида яхши таъсир қилади. Ёпиқ ҳолда яширин яшовчи зараркунандалар (ғовакловчи пашша, ғовакловчи куялар) ни ҳам йўқ қилади.

Қўлланилгандан кейин ўсимликлар тўқимасига жуда тез сингади. Препарат пуркалгандан кейин икки соат ўтгач ёмғир ёғса ҳам, самарадорлиги камаймайди.

Бошқа препаратлар билан уйғунлиги ( бирга қўлланиши):

Агрофос-Д  препарати бошка кимёвий воситалар билан  уйғун ҳолда (биргаликда) қўлланилиши мумкин.

 Экинларга зарарли таъсири:

Препарат қўлланилаётган экинларга зарарли таъсир кўрсатмайди

Ишчи эритмани тайёрлаш тартиби:

Иш бошлашдан аввал бак, шланг ва пуркагич тозалигини, шунингдек, пурковчи ускунанинг ишга тайёрлиги текширилади. Сўнгра пуркагичдан сув ўтиш миқдори бир меъёрдалиги ва 1 гектарга сарфланадиган ишчи эритма миқдори меъёри аниқланади.

Агрофос-Д препаратини бакни ярми сув билан тўлдирилади ва ишлаб турган аралаштиргичга препаратнинг аниқ миқдори қўшилади.

Агрофос-Д  препаратининг ишчи эритмасини пуркашда ОВХ-28, ОВХ-600 маркали вентиляторли пуркагичдан фойдаланилса, ишчи эритма сарфи гектарига 250-300 литр  бўлишини таъминлаш лозим

 Иқтисодий самарадорлиги:

Препарат ўз муддатларида сифатли қўлланилганда, зараркунандаларнинг экинларга келтирган зарарини олдини олиш ҳисобига, инсектицид қўлланилмаган майдонга нисбатан 25-30% гача ҳосил қўшилади.

 Хавфсизлик чоралари:

Прeпаратни қўллашда “Ўзбeкистон халқ ҳўжалигида пeстицидлар ишлатилиши, сақланиши ва ташиш жараёнидаги санитария қоидалари ва гигиeна мeъёрлари” (Тошкeнт СанПИН  0150-04) қўлланмасидаги барча хавфсизлик чораларига қатъий риоя қилиш лозим.

Прeпарат 0оC дан юқори ва  +30оC дан паст бўлган ҳароратда пeстицидларни сақлаш учун мўлжалланган, қуруқ ва салқин жойда сақланиши керак.

Препаратни қўллаш ва сақлаш ишлаб чиқарувчи ва сотувчи компаниянинг назоратидан ташқарида бўлганлиги сабабли, мос  бўлмаган шароитларда сақланиши ва нотўғри қўллашдан юзага келувчи зарарларга ишлаб чиқарувчи ва сотувчи компания масъул эмас.

Сарф меъёрлари ва қўллаш тартиби

Экин тури Зараркунандалар Сарф меъёри л / га Қўллаш муддати ва усуллари Мавсумда неча маротаба қўлланиши
Ғўза Ғўза тунлами, шира, трипс 1.0-1.5 Ўсимликнинг ўсув даврида 2
Буғдой Шира, трипс, зарарли хасва, шиллиққуртлар 0.5 Ўсимликнинг ўсув даврида 2
Олма Олма мевахўри, баргўрар қуртлар 1.0 Ўсимликнинг ўсув даврида 2

 Сақлаш муддати: Қадоқланган ҳолида 2 йил.