Бўлим: Зараркунандалар
Юртимиз шароитида ток ўсимлигига асосан зараркунандалардан узумхўр қурт, ун ғуборли ток қурти тоғолди минтақаларда кравчик қўнғизи, касалликлардан оидиум, антракноз, бактериал рак ва қисман хлороз касаллиги жиддий зарар келтиради.
Узумхўр қурти (узум куяси, шингил қурти). Зараркунанда узум тўпгули, тугунча, ғўра ва етииб келаётган ғужум билан озиқланади. Бунда ток ҳосилининг ярмидан кўпроғи чириб кетади сақлашга ва бозорга олиб боришга ярамайди. Бизнинг шароитда шингил қурти мавсумда тўрт авлодда ривожланади. Кўкламда капалаклар ток шўрасида тўпгуллар шаклланганда учади ва ғунчаларга тухум қўяди.
Иккинчи авлод капалаклари учиши ток гуллагандан 17–20 кун ўтгач бошланади. Учинчи авлодни берувчи капалаклар июлнинг иккинчи ўн кунлигида учиб чиқиб тухум қўя бошлайди. Муддатларни аниқлашда феромонли тузоқлардан ҳам фойдаланса бўлади.
Кураш чоралари. Узумхўр қуртининг зарарини камайтириш учун шўра ҳомток, ғўра ҳомтоклар ўз вақтида ва сифатли ўтқазилиши новдалар чеканка қилиниб барглар сийраклаштирилиши керак.
Профилактик ишловлар узум куртаклари уйғонгунга қадар кечасиги харорат +5 даражадан ўтганда БИ-58 2-2,5л\га, Энтолучо 0,3-0,5 л\га.
Бунга қўшимча 2–3 маротаба пуркаш ўтказилиши, биринчи пуркаш, Қора кишмиш, Пушти Тойфи навлари 4–5 та чинбарг чиқарганда, иккинчиси ток гуллагандан 17–20 кун кейин, зарурат бўлса учинчиси иккинчисидан 7–10 кун ўтгач бажарилиши лозим. Токлардаги ушбу зараркунандага қарши Далатэ плюс 0,2 л/га, Энтолучо 0,3 л/га, Энтометрин 0,3 л/га, Индоксамектин 0,45-0,7 л/га препаратларидан бирини қўллаш тавсия этилади.
