Afsuski hozirgi kunda ekinlarni zararkunandalardan himoya qilishda kimyoviy pestitsidlarning o‘rni haligacha dolzarb bo‘lib turibdi. Fermer uchun zarareunanda, hasharotlar, kasalliklar yoki begona o‘tlardan xalos bo‘lish uchun eng oson yo‘li bu pestitsidlardan foydalanish. Lekin pestitsidlardan foydalanishda o‘ziga xos talablarni bajarishga to‘g‘ri keladi. Ishlatilayotgan pestitsid, eng avvalo, O‘zbekistonda maxsus ro‘yxatdan o‘tgan bo‘lishi kerak. Ro‘yxatdan o‘tkazishda davlatning maxsus institutlari tomonidan pestitsidning atrof-muhit, inson salomatligi, hayvonlarga bo‘lgan taʼsiri yillar davomida o‘rganilib, pestitsidning bir gektarga minimum va maksimum ishlatish meʼyorlari va boshqa shartlari ishlab chiqiladi. Har bitta pestitsid idishidagi etiketkasida bu maʼlumotlar alohida ko‘rsatiladi. Fermer mahsulotni ishlatishdan oldin shu maʼlumotlarni eʼtibor bilan o‘rganib chiqishi qonunchilikka ko‘ra, talab etiladi. 

Ayniqsa, pestitsidlar bilan oxirgi ishlov bilan hosilni terib olish orasidagi muddat juda muhimdir. Bu bilan biror bir meva yoki boshqa mahsulotning tarkibida qoladigan pestitsid miqdori boshqariladi. Baʼzi pestitsidlarni hosil terib olishdan 1 oy oldin ishlatishga ruxsat bo‘lsa, baʼzilarini esa 10 kun oldin ishlatish mumkin. Yaʼni, masalan, yetishtirilayotgan pomidorni terib olishdan kamida 1 oy oldin ishlatishdan to‘xtatish kerak bo‘lgan pestitsidni bugun ishlatib keyin 5 yoki 10 kundan keyin bu pomidorni uzib bozorga olib chiqib sotsa, bu fermer eng avvalo, o‘z oilasi, xalqiga, inson salomatligiga xavf solgan, jinoyat qilgan hisoblanadi. Yoki gektariga 1 kilogramm ishlatish kerak bo‘lgan pestitsidni yaxshiroq natija olaman deb xatokorona 2 kilogrammdan ishlatish ham huddi shunday qonunga xilofdir. Chunki bunday holatlarda bu pomidarning tarkibida inson salomatligi uchun jiddiy xavf tug‘dirishi mumkin bo‘lgan pestitsid qoldiqlari mavjud bo‘ladi. Ular yetarlicha yo‘qolib ulgurmagan bo‘ladi.

Albatta kompaniyamiz bunday maʼlumotlarni fermerlarga yetkazish uchun tinmay mehnat qilmoqda. O‘z navbatida kompaniyamiz mahsulot portfelimizda yuqori zaharli mahsulotlarni, yangi chiqayotgan zaxarliligi past mahsulotlar bilan almashtirib turish asosiy vazifalarimizdan hisoblanadi. 

Qolaversa, dunyoda yangi tendensiya avj olmoqda. Bu o‘simliklarni himoya qilishda kimyoviy kurash bilan birgalikda biologik kurashning uyg‘unlashgan tizimidir. Yaʼni, bunda asosan zararkunandalarga qarshi kurashishning biologik usullaridan maksimum foydalaniladi. Foydali hasharotlar yordamida yoki har xil feromon tutqichlar, mikro organizmlar, bakteriyalar yordamida kurashilib, maʼlum bir paytdan keyin kimyoviy pestitsidlardan foydalaniladi. Bunda ham kompaniyamiz tomonidan Yevropaning turli feromon tutqichlari hamda mikrobiologik mahsulotlarini taklif qilmoqdamiz.

Maslahat markazi 78 147-05-00

@ifodapxtagalla

@bogdorchilikifoda

@issiqxonaifoda

@ifodaagroconsulting