Hammamizga yaxshi ayon, bu yil butun insoniyat uchun jiddiy sinov davri bo‘ldi. Shunday qiyin sharoitda el-yurtimiz, xususan, zahmatkash dehqon va fermerlarimiz koronavirus pandemiyasi bilan bir qatorda, ayrim hududlarimizda yuz bergan tabiiy va texnogen ofatlarni ham mardonavor yengib o‘tishdi.

Aslida, qishloq xo‘jaligi sohasida oson va yengil yilning o‘zi bo‘lmaydi. Tabiat injiqliklari, suv resurslarining cheklangani, turli hasharot va zararkunandalar bilan kurashish har bir dehqondan katta azmu shijoat, mirishkorlik va tajriba talab etadi.

Surxondaryo viloyati Denov tumanidagi “Surxon Kapital Classic” MCHJga qarashli g‘allachilikka ixtisoslashgan klaster ham mana shunday og‘ir davrni boshdan o‘tkazdi. Biroq 9500 gektar g‘alla maydoniga ega mazkur klaster pandemiya sharoitidan foyda bilan chiqqanlardan. Bu borada unga “IFODA” kompaniyasining mineral o‘g‘itlari, o‘simliklarni himoyalovchi vositalari yaqindan yordam berdi.

Klaster bosh agronomi Ibod Xalilov hamda “IFODA” kompaniyasi agronomi Shavkatjon Allayev har 2-3 kunda dalalar bo‘ylab qadamba-qadam yurib, g‘allaning o‘sishini nazorat qiladilar. Kompaniya mutaxassisi klaster agronomiga endigina unib chiqqan g‘alla bargini oziqlantirish uchun bir gektar yerga “IFO PZN” o‘g‘itidan 2 litr, “ANKA SUPER” o‘g‘itidan esa 1 litr qo‘shib ishlov berishni tavsiya etdi. Bu haqda “IFODA” kompaniyasining Surxondaryo viloyatidagi agronomi Shavkatjon Allayev shunday deydi:

–         Garchi klaster tashkil topganiga endigina bir yil to‘lgan bo‘lsa-da, g‘allasining sifati va hosildorligini taʼminlash uchun bizga to‘liq ishonch bildirdi. Chunki klaster tarkibidagi fermer xo‘jaliklari bilan yillar davomida birga ishlab kelganmiz. Ular “IFODA” mahsulotlarining foydasi haqida juda yaxshi bilishadi. Fermer xo‘jaliklari ozuqaviy o‘g‘itlarimiz “IFO PZN”, “ANKA SUPER”, “IFO UAN 32”, “Potex”, “VL 77”, “HOSIL”ni ishlatib ko‘rib, foydasini bilishgach, mahsulotlarimizga nisbatan ishonchlari yanayam oshdi. Biz hamkorlik bilangina cheklanib qolmasdan, ularning daromadlariga yana daromad qo‘shilishi uchun kompaniyamiz agronomlari bilan maslahatlashgan holda yangi ozuqaviy o‘g‘itlarimiz va o‘simliklarni himoya qilish vositalarimizni tavsiya etib boramiz.

Bugungi murakkab va qaltis davr dunyo miqyosida agrar sohaning hal qiluvchi o‘rni hamda ahamiyatini yana bir bor yaqqol ko‘rsatib berdi. Mavjud resurs va imkoniyatlardan oqilona foydalanib, aholini qishloq xo‘jalik mahsulotlari bilan kafolatli taʼminlash, sohaga ilg‘or yondashuvlarni joriy etish masalasini ortga surmagan maʼqul.