ENTOXLOROK EKSTRA

Таъриф

Фитофтороз, милдью ва бошқа замбуруғли касалликларга қарши қўлланиладиган фунгицид!

Description

Фитофтороз ва милдьюга қарши энг самарали восита!

 Таъсир этувчи моддаси: Манкоцеб 64% (640 г/кг) + Цимоксанил  8% (80 г/кг)

Препарат шакли: намланувчи кукун

Хавфлилик даражаси: II-синфга оид (ўртача хавфли бирикма)

Сиғими:   1 кг

Қўлланиши:

Контакт ва локал системали таъсирга эга бўлган олдиндан ҳимоя қилувчи ва даволовчи фунгицид. Картошкадаги фитофитороз, альтернариоз, токдаги мильдю, бодрингдаги пероноспороз,перикуляриоз помидордаги фитофтороз, макроспориоз, касалликларига қарши юқори самара беради

Афзалликлари:

  • Таркибида икки хил таъсир этувчи моддаси борлиги бошқа фунгицидларга чидамлилиги ошган касалликларни ҳам даволайди
  • Препарат қўлланилгандан сўнг ўсимликларни ўсиш ва ривожланишига зарарли таъсир этмайди
  • Касалликларни ҳам олдини олади, ҳам даволайди
  • Тупроқ таркибида тез парчаланиб кетади
  • Фунгицидни қўлланиш жараёнида бошқа зараркунандаларга курашиш лозим бўлса инсектицидлар билан биргаликда аралаштириб ишлатиш мумкин

Қўллаш муддати:

Препарат экинларнинг фаол ўсув даврида, замбуруғли касалликлар тушмасдан олдин профилактик ишлов бериш ёки касалликнинг бошланғич даврида 5 фоизгача зарарланиш аниқланганда  қўлланилса,  юқори самара беради. Препаратни экин турларига қараб 2-4 марта 10-15 кун оралатиб қўллаш мумкин.

 Таъсир этиш механизми:

Препарат қўлланилганда барг юзасида ҳимоя қобиғи ҳосил қилиб, замбуруғ ва бактерияларни ўсимликнинг ички қаватига киришига йўл қўймайди, иккинчи таъсир этувчи моддаси цимоксанил эса касалликнинг бошланғич ривожланиш босқичида, пояга кираётган замбуруғ ипчаларини нобуд қилади ва ўсимликни даволайди.

Касаллик тарқатувчи замбуруғларни спора ҳосил қилиш жараёнини тўхтатиб, ўсимликни 10 – 12 кун давомида ишончли химоя қилади.

Препарат +10оC – +28оC ҳароратда қўлланилса, юқори самара беради

Ишчи эритмани тайёрлаш тартиби:

Иш бошлашдан аввал бак, шланг ва пуркагич тозалигини, шунингдек, пурковчи ускунанинг ишга тайёрлиги текширилади. Сўнгра пуркагичдан сув ўтиш миқдори бир меъёрдалиги ва 1 гектарга сарфланадиган ишчи эритма миқдори меъёри аниқланади.

Энтохлорок  экстра препаратини алохида идишда эритиб тайерлангандан сунг бакни ярми сув билан тўлдирилади ва ишлаб турган аралаштиргичга препаратнинг аниқ миқдори қўшилади.

Энтохлорок экстра фунгицидининг ишчи эритмасини пуркашда ОВХ-28, ОВХ-600 маркали вентиляторли пуркагичдан фойдаланилса, ишчи эритма сарфи гектарига 250-300 литр  булишини таъминлаш лозим.

Иқтисодий самарадорлиги:

Фунгицид ўз муддатларида сифатли қўлланилганда, касаллик келтирадиган зарарни ўз вақтида бартараф этиши ҳисобига, касалланган майдонга нисбатан 30-35% гача ҳосил қўшилиши мумкин.

 Сарф меъёри ва қўллаш усуллари:

Экин тури Касалликлар Сарф меъёри кг/га Қўллаш муддати ва усуллари Мавсумда неча маротаба қўлланиши
Картошка Фитофтороз, макроспориоз, алтернариоз 1,5 Ўсимликнинг ўсув даврида пуркалади 3
Помидор Фитофтороз, макроспориоз 1,5 Очиқ грунтдаги ўсимликнинг ўсув даврида пуркалади 3
Ток Милдью 1,5 Ўсимликнинг ўсув даврида пуркалади 4

 Хавфсизлик чоралари:

Прeпаратни қўллашда “Ўзбeкистон халқ ҳўжалигида пeстицидлар ишлатилиши, сақланиши ва ташиш жараёнидаги санитария қоидалари ва гигиeна мeъёрлари” (Тошкeнт СанПИН  0150-04) қўлланмасидаги барча хавфсизлик чораларига қатъий риоя қилиш лозим.

Прeпарат -10оC дан юқори ва  +30оC дан паст бўлган ҳароратда пeстицидларни сақлаш учун мўлжалланган, қуруқ ва салқин жойда сақланиши керак.

Препаратни қўллаш ва сақлаш ишлаб чиқарувчи ва сотувчи компаниянинг назоратидан ташқарида бўлганлиги сабабли, мос  бўлмаган шароитларда сақланиши ва нотўғри қўллашдан юзага келувчи зарарларга ишлаб чиқарувчи ва сотувчи компания масъул эмас.

Сақлаш муддати: Қадоқланган ҳолида 2 йил.