MAHSULOT KATALOGI
O‘simliklarni himoya qilish vositalari
Katalogga o'ting
O‘g‘itlar
Katalogga o'ting
Tanlangan mahsulotlar
Kompaniya haqida
"IFODA Agro Kimyo Himoya" MCHJ QK ko‘p yillardan beri Respublikamizdagi dehqon va fermer ho‘jaliklari, shaxsiy tomorqa egalari va boshqa qishloq xo‘jaligi tashkilotlariga o‘simliklarni himoya qilish vositalari va o‘g‘itlarni yetkazib berish hamda ularni qo‘llash bo‘yicha amaliy maslahatlar berish faoliyati bilan shug‘ullanib kelmoqda.
O‘zbekistonning eng yetakchi agrokimyo mahsulotlari ishlab chiqaruvchisi bo‘lmish "IFODA Agro Kimyo Himoya" MCHJ QK o‘tgan davr mobaynida shiddatli rivojlanishdan bir zum to‘xtagani yo‘q.
Ilg‘or uskunalar hamda eng zamonaviy texnologiyalar bilan jihozlangan mazkur korxona xorij mahsulotlari o‘rnini bosa oladigan va Yevropa retseptlari asosida tayyorlanadigan yuqori sifatli o‘simliklarni himoya qilish vositalarini ishlab chiqarishga ixtisoslashgan.
"IFODA Agro Kimyo Himoya" MCHJ QKning Namangan viloyatida joylashgan zavodi esa umumiy maydoni 60 ming m2 hududni qamrab oladi. Bugun zavodda yiliga 10 million litrgacha pestitsidlar ishlab chiqarish imkoniyati mavjud. Va ushbu imkoniyatlar hosilasi o‘laroq, kompaniya mahsulotlarining soni 150 turdan oshib ketdi.
Zavod mahsulotlarining sifati maxsus ixtisoslashgan laboratoriyada nazorat qilib boriladi. Ushbu laboratoriyada mahsulot namunalarining kimyoviy elementlari tarkibi sinchkovlik bilan tahlil qilinib, uning belgilangan norma va tarkibga qanchalik mosligi, xususan, modda va komponentlarning yetarli miqdorda ekani tahlil qilinadi.
2019 yilda ishga tushgan ixtisoslashgan tadqiqot va rivojlanish Markazining ilmiy darajaga ega bo‘lgan mahalliy va xorijiy mutaxassislari zavodda tayyorlanayotgan preparatlarning yuqori sifatini taʼminlash maqsadida muntazam tadqiqot ishlarini olib boradilar.
"IFODA Agro Kimyo Himoya" MCHJ QK endilikda fermer va dehqonlarga o‘g‘it hamda preparatlar bilan birga “IFODA DRIP” brendi ostida tomchilatib sug‘orish tizimlari orqali ham xizmat ko‘rsatmoqda.
O‘rni kelganda aytish kerak, bugun O‘zbekistonda “IFODA” so‘zini eshitmagan fermer, u ishlab chiqargan mahsulot qo‘llanilmagan yer maydoni bo‘lmasa kerak. Gapimiz biroz bo‘rttirilgan tuyilishi mumkin-u, biroq raqamlar ham so‘zimizni isbotlaydi: Yurtimiz bo‘ylab 30 ming nafardan ziyod fermerlar bilan hamkor kompaniyaning joylarda 100 ga yaqin savdo filiallari bor. Hozirda “IFODA” logotipi tushirilgan preparatlar qo‘llaniladigan yer maydonlari hajmi 2,5 mln. gektardan ortib ketdi. Ishlab chiqarish hajmi esa yiliga 100 ming tonnani tashkil etmoqda.
So‘nggi yillarda "IFODA Agro Kimyo Himoya" MCHJ QK faoliyati, uning mahsulotlari xorijlik mutaxassislar, yirik kompaniyalarda katta qiziqish uyg‘otmoqda. Jumladan, Turkiya, Eron, Fransiya, Italiya mutaxassislari uning istiqboliga katta ishonch bilan qaragan. Yaqinda Ispaniyaning “Semillas Fito” kompaniyasi bilan hamkorlik shartnomalarini tuzishga muvaffaq bo‘lgan "IFODA Agro Kimyo Himoya" MCHJ QK, kunchiqar yurt – Yaponiyaning yirik, dunyoga mashhur “Balcom Co. Ltd” kompaniyasi eʼtiborini ham tortdi.
Shu qatorda Turkiyaning “CGC TARIM GIDA VE GIDA TAKVIYELERI KIMYA DIŞ TICARET A.Ş” firmasi ham "IFODA Agro Kimyo Himoya" MCHJ QK mahsulotlariga qiziqish bildirdi. Mazkur turk firmasi bilan hozircha 15 turdagi o‘g‘itlarni eksport qilish bo‘yicha kelishuvga erishildi. Kelishuv shartlariga ko‘ra, ushbu mahsulotlar Turkiya davlati qishloq xo‘jaligida o‘zini oqlasa, kelgusida doimiy hamkorlik yo‘lga qo‘yiladi.
Qishloq xo‘jaligi sohasida katta tajriba orttirib kelayotgan “Ifoda Agro Kimyo Himoya” MCHJ QK xorijiy investitsiyalarni jalb qilib, chet ellik hamkorlar bilan ikki tomonlama manfaatli bo‘lgan iqtisodiy aloqalarni mustahkamlash, o‘z faoliyatini yana-da kengaytirish, shu orqali eksport salohiyatini oshirib, dunyo bozoriga chiqish orqali yurtimiz iqtisodiga munosib hissa qo‘shishni o‘z oldiga asosiy maqsad qilib qo‘ygan.
"IFODA Agro Kimyo Himoya" MCHJ QK bugun o‘zida ISO sifat tizimini to‘liq joriy etib, ISO 9001:2008 va ISO 9001:2015 sertifikatlariga ega.
Kompaniya xodimlarining 50 nafari yuqori malakali agronom-mutaxassislardan iborat bo‘lib, ular Respublikamizning barcha hududlaridagi mijozlarimizga qishloq xo‘jaligi ekinlaridagi zararkunanda, kasallik va begona o‘tlarni aniqlash, tashxis qo‘yish, taxlil qilish va zarur choralarni ko‘rish bo‘yicha bepul agronomik xizmatlar ko‘rsatadilar.
"IFODA Agro Kimyo Himoya" MCHJ QK xodimlari bir jumlani ko‘p takrorlashadi: “Fermerlar muvaffaqiyati – bizning yutug‘imiz!”. Keling, bu shiorni biroz o‘zgartirib talqin qilamiz: “Kompaniyamiz yutug‘i – butun O‘zbekistonning yutug‘idir”. Shunday ekan, mamlakatimiz rivoji hamda iqtisodiy salohiyatini oshirish, qishloq xo‘jalik tizimini yangi bosqichga olib chiqish uchun "IFODA Agro Kimyo Himoya" MCHJ QK bir lahza ham tinim bilmaydi.
Ilmiy-amaliy maslahatlar kompaniyaning rasmiy saytida www.ifoda.uz hamda telegram messenjeridagi kanallarda berib boriladi:
@ifodaofficial
@ifodapaxtagalla
@zartuproq
@ifodaagroconsulting
