Ushbu preparat g‘o‘za g‘ovlab ketishini oldini oladigan, o‘simlikni vegetativ va generativ o‘suvini boshqaradigan stimulyator hisoblanadi. G‘o‘zaning  bo‘g‘in oralig‘ini qisqartirib, hosil elementlarini shakllantiradi. Preparat bilan ishlov berilgan o‘simlik ixcham holga kelib, konussimon shakl oladi, sog‘lom to‘q yashil rangga kiradi. Ikkinchi marotaba qo‘llanilganda o‘suv nuqtasini sezilarli darajada o‘sishdan to‘xtatib, mexanik usulda chilpish ishlarini bajarishga zarurat qoldirmaydi. Shu bilan birga birinchi terimda olinadigan hosil miqdori ortadi. Tolaning texnik sifatiga salbiy taʼsir qilmaydi. G‘allaga qo‘llanganda qisqa bo‘g‘in hosil qilib, kuchli shamol taʼsirida yotib qolishini oldini oladi va hosildorlikni oshishiga yordam beradi.