G‘alladagi chang va qattiq qorakuya hamda g‘o‘zadagi ildiz chirish kasalliklariga qarshi urug‘larni dorilashda qo‘llaniladigan preparat. Ushbu preparat bir vaqtning o‘zida fungitsidlik va o‘suvni boshqarish hususiyatlariga ega. Preparat tarkibidagi karboksin o‘suvni boshqarib, urug‘ ichidagi infeksiyalarga qarshi kurashsa, tiram esa urug‘ning qobiq qatlamini infeksiyalardan himoya qiladi. Preparat o‘zining himoyalovchi va davolovchilik xususiyatlari tufayli, shuningdek urug‘larning unib chiqishi, faol rivojlanishini taʼminlagani hisobiga yuqori va sifatli hosil olinishni taʼminlaydi.