Ushbu vosita suv miqdorining 0,15-0,25 foizi konsentratsiyalarda qo‘llaniladi. Bu sirti faol modda yoppasiga taʼsir etuvchi gerbitsidlar bilan birgalikda qo‘llaniladi. Kontakt taʼsir etuvchi preparatlar bilan qo‘llanilganda preparat 

konsentratsiyasi 0,15 foiz bo‘lib, har doim asosiy preparatlar suvga aralashtirib bo‘lingach qo‘shilsa maqsadga muvofiq bo‘ladi. Ushbu preparatni qo‘llashda bakning 80-90 foizi suv bilan to‘ldiriladi va aralashtirgich ishga tushiriladi. Aralashtirgich  ishlab turgan vaqtda bakka ko‘zda tutilgan pestitsid yoki o‘g‘itning aniq miqdori qo‘shiladi va aralashtirish davom ettiriladi. So‘ngra Silver preparatining tavsiyadagi miqdori qo‘shilib, aralashtirish davom ettiriladi , hamda bakning qolgan  qismi suvga to‘ldiriladi. Sarf meʼyori o‘rtacha 1 gektar maydonga (250-300 litr suvga) 100-200 mlni tashkil etadi.