Ushbu preparat sholidagi bir va ko‘p yillik boshoqli hamda ayrim keng bargli begona o‘tlarga qarshi qo‘llaniladi. Preparatni sholi ekishdan avval yoki nihol unib chiqmasidan oldin qo‘llash lozim. Gerbitsid qo‘llangan davrda ekin maydoni 10-12 sm suv bilan qoplanib, kamida 5 kun muntazam suvni ushlab turish maqsadga muvofiq. Shu bilan birga ushbu maydonda boshqa agrotexnik tadbirlarni to‘xtatib turish lozim. Preparatni qo‘l apparati orqali qo‘llanganda preparat qamrab olgan maydon chegarasi  oralig‘i 20-30 metrdan oshmasligiga eʼtibor berish kerak.