G‘o‘za, piyoz, sabzi, pomidor, kartoshka, no‘hat, yeryong‘oq, lavlagi va boshqa keng bargli ekinlarda, mevali bog‘, uzum maydonlaridagi bir va ko‘p yillik boshoqli begona o‘tlarga qarshi qo‘llaniladi. Begona o‘tlardan ajriq qorasuli, tulki quyruq, qorakurmak, itqo‘noq, beshbarmoq, mastak turlari, urug‘dan unib chiqqan g‘umay, to‘kilgan urug‘dan ungan bug‘doy va makkajo‘xori maysalariga qarshi g‘o‘za gullagunga qadar dalalarga yoppasiga purkaladi, ayniqsa, ajriq va g‘umayni yuqori darajada nazorat qiladi.